मुंबई : ठाण्यातील पाच ठिकाणच्या टोल नाक्यावर झालेल्या शुल्कवाडी वरून महाराष्ट्र नवनिर्माण सेना आक्रमक झाली आहे. या टोलवाढी विरोधात मनसे नेते अविनाश जाधव हे काही सहकाऱ्यांसह उपोषणाला बसले होते. दरम्यान शुल्कवाडीवरून मनसे अध्यक्ष राज ठाकरे यांनी सरकारवर कडाडून टीका केली. त्यानंतर पत्रकारांनी विचारलेल्या प्रश्नावर उत्तर देताना देवेंद्र फडणवीस म्हणाले की, “आम्ही तेव्हा जी घोषणा केली होती त्यानुसार राज्यातील सर्व टोलवर चार चाकी वाहन आणि इतर लहान गाड्यांना आम्ही टोल मुक्ती दिली आहे केवळ व्यावसायिक मोठ्या गाड्यांवरच टोल आकारला जात आहे.
उपमुख्यमंत्री देवेंद्र फडणवीस यांच्या या वक्तव्यावर नेटीझंस देखील प्रतिक्रिया देत आहेत. दरम्यान मनसेने आपल्या अधिकृत एक्स अकाउंट वरून देवेंद्र फडणवीस यांचा एक व्हिडिओ शेअर केला आहे. यास कॅप्शन मध्ये लिहिले आहे की, महाराष्ट्रातून मुक्त झाला आणि हे महाराष्ट्राला देखील कळलं नाही किती भूलथापा माराल खरंच राज ठाकरेंनी जे नाव ठेवलं होतं. ते अगदीच चपखल आहे. भाजपकुमार थापाडे…
https://x.com/mnsadhikrut/status/1711003021021450359?s=20
मनसेने शेअर केलेल्या या पोस्टवर देखील नेटीझन्सच्या कमेंट्सचा पाऊस पडतो आहे.
