नाशिक : राज्याचे उपमुख्यमंत्री अजित पवार हे आज नाशिक दौऱ्यावर असून इथल्या शेतकऱ्यांमध्ये संताप दिसून येतोय. आज नाशिक इथल्या वणी इथे अजित पवार आले असताना शेतकऱ्यांनी अजित पवारांचा ताफा अडवण्याचा प्रयत्न केला. यावेळी अजित पवारांच्या गाडीसमोरच या शेतकऱ्यांनी रस्त्यावर कांदे टोमॅटो फेकले. तसचं भाजप सरकारविरोधात जोरदार घोषणाबाजी करत सरकारचा निषेध केला. तसंच यावेळी कार्यकर्त्यांनी शरद पवारांच्या नावाची जोरदार घोषणाबाजी केली. यावेळी पोलीस आणि आंदोलक शेतकऱ्यांमध्ये बाचाबाची देखील झाली.
