पुणे : पुणे जिल्ह्यातील Pune राजगड तालुक्यातून एक अत्यंत धक्कादायक घटना Crime News समोर येते आहे. राजगड तालुक्यातील कोंडवळे गावातील ही घटना असून एका बावीस वर्षे तरुणीला थेट जमिनीत जिवंत गाडण्याचा प्रयत्न करण्यात आला असल्याची तक्रार पोलीस ठाण्यात दाखल करण्यात आली आहे.
नेमकं प्रकरण काय
पुणे जिल्ह्यातील राजगड तालुक्यातील कोंढवळे गावामध्ये पीडित तरुणी तिच्या कुटुंबीयांसोबत राहते. यावेळी एका जमिनीचा बेकायदेशीर रित्या ताबा घेण्यासाठी पंधरा-वीस लोक आले होते. यावेळी पीडित तरुणी आणि तिच कुटुंबीय या शेतजमिनीवर काम करत होते. यावेळी ही तरुणी आणि या लोकांमध्ये जोरदार बाचाबाची झाली. दरम्यान बाचाबाचीचं रूपांतर या तरुणीला थेट जमिनीत गाडण्याच्या प्रयत्नापर्यंत पोहोचलं. या घटनेचा एक व्हिडिओ देखील सोशल मीडियावर प्रचंड व्हायरल होतं आहे.
दरम्यान या तरुणीने वेल्हा पोलिस स्थानकामध्ये या दहा ते पंधरा जणांच्या विरोधात तक्रार दाखल केली असून पोलिसांनी आरोपींविरुद्ध 307 कलमा अंतर्गत गुन्हा दाखल केला आहे.
