मनोरंजन : 2021 मध्ये रिलीज झालेल्या ‘पुष्पा द राईज’ या चित्रपटाने अक्षरशः धुमाकूळ घातला होता. अल्लू अर्जुनचे चाहाते मोठ्या प्रमाणावर आहेत. त्यात या चित्रपटाने त्याच्या चाहत्यांमध्ये लाखोंनी भर घातली.
अल्लू अर्जुनच्या चाहत्यांसाठी एक खास बातमी त्यानी स्वतःच पोस्ट शेअर करून दिली आहे.
अल्लू अर्जुनच्या पुष्पा द राइज या चित्रपटाच्या दुसऱ्या भागाचा टिझर येत्या 8 एप्रिलला रिलीज केला जाणार आहे. 8 एप्रिल या दिवशी अल्लू अर्जुनचा वाढदिवस असतो. म्हणूनच निर्मात्यांनी याच खास दिवशी पुष्पा टू चा टीजर रिलीज करण्याचं ठरवलं आहे.
पुष्पा 2 चे भन्नाट पोस्टर रिलीज करण्यात आलेले आहे. पहिल्या भागातील अल्लू अर्जुनचा लुक देखील पसंत केला गेला. आता दुसऱ्या भागातील हा लूक देखील जबरदस्त आहे. या पोस्टरवरून या चित्रपटामध्ये खूप काहीतरी खास असणार हे दिसूनच येते. त्यासह समंथा रूथ प्रभू देखील या चित्रपटांमध्ये एक छोटी भूमिका साकारणार असल्याचे समजत आहे. त्याबरोबरच बॉलिवूड अभिनेता संजय दत्त देखील यात एन्ट्री करू शकतो असं समजत आहे. 15 ऑगस्ट 2024 ला पुष्पा टू प्रदर्शित केला जाणार आहे.
