धाराशिव : एक मोठी बातमी समोर येते आहे. ढोकी या गावांमध्ये उद्धव ठाकरेंची Uddhav Thackeray गाडी अडवण्याचा प्रकार घडलाय. मराठा संघटनांकडून गाडीची अडवणूक करण्यात आली आहे.
सध्या उद्धव ठाकरे हे लोकसभा निवडणुकीच्या पार्श्वभूमीवर महाराष्ट्राच्या दौऱ्यावर आहेत. सोलापूर, धाराशिव या जिल्ह्यांमध्ये उद्धव ठाकरेंचे झंझावाती दौरे सुरू आहेत. दरम्यान ढोकी गावातून जात असताना मराठी संघटनांनी उद्धव ठाकरे यांची गाडी अडवली.
दरम्यान मराठा संघटनेकडून ही गाडी अडवल्यानंतर आंदोलकांनी एक मराठा लाख मराठा, जरांगे पाटलांचा विजय असो अशा घोषणा दिल्या आहेत. दरम्यान उद्धव ठाकरे यांच्या संपूर्ण ताफ्याला या आंदोलकांनी काळे झेंडे दाखवणे निषेध देखील व्यक्त केला. जो पर्यंत मराठा आरक्षण या विषयावर निर्णय होत नाही तोपर्यंत कोणत्याही नेत्याला गावात येऊ देणार नाही अशी ठाम भूमिका मराठा संघटनांनी घेतली आहे. उद्धव ठाकरे यांचा ताफा या गावातून जात असताना अचानक या आंदोलकांनी काळे झेंडे दाखवून घोषणाबाजी केल्यामुळे परिसरातील वातावरण ढवळले गेले आहे.
