मुंबई : मुंबईमध्ये संजय राऊत यांनी माध्यमांशी बोलताना पुन्हा एकदा देवेंद्र फडणवीसांवर हल्लाबोल केला आहे. यावेळी त्यांनी उपमुख्यमंत्री अजित पवार यांच्या पत्नी सुनेत्रा पवार यांच्या खांद्यावर बंदूक ठेवून निशाणा साधला आहे.
काय म्हणाले संजय राऊत
माध्यमांशी बोलताना संजय राऊत म्हणाले की, ” सुनेत्रा पवार यांना माझं आवाहन आहे. त्यांनी आपल्या नवऱ्याची जी बदनामी झाली त्याबद्दल देवेंद्र फडणवीसांवर अब्रू नुकसानीचा खटला दाखल करायला हवा. तुम्ही इतके वर्ष अजित पवारांची बदनामी केली, खोटा गुन्हा दाखल केला, कुटुंबाची वणवण झाली. बचावासाठी काकांच्या पाठीत खंजीर खुपसावा लागला. दबावामुळे त्यांना पक्ष सोडावा लागला…! ” अशी थेट टीका संजय राऊत यांनी केली आहे.
शिखर बँक घोटाळा प्रकरणी आर्थिक गुन्हे शाखेच्या क्लोजर रिपोर्टला ईडीने विरोध केलाय. तर कोर्टाकडे हस्तक्षेप करण्याची याचिका दाखल करण्याची परवानगी देखील मागितली आहे. येत्या 15 मार्चला याप्रकरणी सुनावणी होणार आहे. यावरूनच संजय राऊत यांनी देवेंद्र फडणवीसांवर हल्लाबोल केला आहे.
