बारामती : बारामतीमध्ये आज नमो महा रोजगार मेळाव्याचे आयोजन करण्यात आले आहे. या महारोजगार मेळाव्याला राज्यातून मोठा प्रतिसाद देखील मिळालाय. यावेळी उपस्थितांना संबोधित करताना उपमुख्यमंत्री अजित पवार यांनी बारामतीला राज्यातील सर्वात विकसित तालुका करायचा आहे, आपली साथ हवी ! असं वक्तव्य केलं.
आजच्या या नमो महारोजगार मेळाव्याकडे महाराष्ट्राचे लक्ष लागले. या मेळाव्यामध्ये राज्यातून 347 कंपन्या सहभागी झाले आहेत. तर तब्बल 55 हजार 72 पदांसाठी हा रोजगार मिळावा होतो आहे. सध्या हा रोजगार मेळावा सुरू असून तेहतीस हजार तरुण तरुणी या रोजगार मेळाव्यामध्ये सहभागी झाले आहेत.
या रोजगार मिळाव्यामध्ये उपमुख्यमंत्री अजित पवार यांनी आज उपस्थित त्यांना भावनिक साद घातली. सोबतच एक नवीन स्वप्न दाखवल आहे. यावेळी उपमुख्यमंत्री अजित पवार म्हणाले की, ” मी फुशारकी मारत नाही पण बारामतीतील प्रत्येक इमारत बांधून पूर्ण होईपर्यंत मी 40 वेळा भेटी दिल्या आहेत. करायच तर एक नंबर करायचं नाही तर आपण त्याच्या नादाला लागत नाही. बारामतीला राज्यातील सर्वात विकसित तालुका करायचा आहे. त्यासाठी आपली साथ हवी अशी भावनिक साद यावेळी उपमुख्यमंत्री अजित पवार यांनी घातली.
या महारोजगार मेळाव्यामध्ये मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, मंत्री मंगल प्रभात लोढा, मंत्री उदय सामंत शरद पवार, सुप्रिया सुळे, आमदार दत्ता भरणे आदी उपस्थित आहेत.
Fire Incident : पुण्यात भीषण आगीची घटना; फायरब्रिगेडच्या तत्परतेने बाल्कनीत अडकलेल्या 5 नागरिकांची सुखरूप सुटका
