छत्रपती संभाजीनगर : मराठा आंदोलक मनोज जरांगे पाटील आपल्या मागण्यांवर अद्याप देखील ठाम आहेत. मराठा समाजाला ओबीसी मधून आरक्षण देण्याची आणि मराठा आंदोलकांवर जे गुन्हे दाखल करण्यात आले आहेत ते मागे घेण्याची मागणी त्यांनी केली आहे. दरम्यान आता तीन मार्च पर्यंत हे आंदोलन स्थगित करण्यात आले आहे.
https://www.facebook.com/share/v/bhhVDSGxPsprdUWf/?mibextid=qi2Omg
मराठा आरक्षणासाठीचे हे आंदोलन तीन मार्चपर्यंत स्थगित करण्यात आले आहे. तीन मार्च पर्यंत परीक्षा असल्याने हे आंदोलन स्थगित करण्यात येत असल्याचं जरांगे यांनी सांगितल आहे. त्याचबरोबर पुढचे आठ दिवस समाजाने शांत राहून सरकार काय करत आहे हे पहावं, महाराष्ट्रातील मराठा समाजाला सांगतो आपल्यात चलबिचल नको, आपली ओबीसीमधून आरक्षणाची मागणी आहे. तसेच दडपशाही सुरू आहे अंतरवली सराटी येथील मंडप काढण्यासाठी देखील प्रयत्न केले जात असून पोलिसांना विनंती आहे की ते मंडप काढू नका आणि गावकऱ्यांवरील दडपशाही बंद करा. आजपासून दडपशाही रोखण्यासाठी करोडो मराठ्यांनी राष्ट्रपती, राज्यपालांना ईमेल करावे. सरकारच्या वेबसाईटवर ईमेल करावे. असे यावेळी जरांगे पाटील यांनी मराठा समाजाला आणि आंदोलकांना म्हटले आहे.
जरांगे पाटील यांच्यावर सध्या छत्रपती संभाजीनगरमध्ये उपचार सुरू आहेत.
