मुंबई : नुकताच अजित पवार Ajit Pawar यांनी ” माझं कुटुंब सोडून पवार घराण्यातील सर्वजण माझ्या विरोधात प्रचार करतील ! “असं मत व्यक्त केलं होतं. यावर आता राष्ट्रवादी NCP शरद पवार गटामधून आक्रमक प्रतिक्रिया उमटत आहेत. ज्यांनी खाऊ घातलं त्यांचा झाला नाही, तो महाराष्ट्राचा काय होणार ? अशी घणाघाती टीका जितेंद्र आव्हाड Jitendra Awhad यांनी व्यक्त केली आहे.
उपमुख्यमंत्री अजित पवारांच्या या वक्तव्यावर जितेंद्र आव्हाड यांनी टीका करताना म्हटले आहे की, ” स्वत:ची तुलना शरद पवारांशी करु नका. तुम्ही त्यांच्यापुढे सेंटीमीटरही नाहीत. आजही असे पुतणे आहेत, जे काकासमोर मान वरतीही करत नाही. पवारांच्या कुटुंबियांत विष कोणी टाकायला सांगितले तुम्हाला ?” असा सवालही जितेंद्र आव्हाड यांनी केला.
Prakash Shendge : मागासवर्ग आयोगाने केलेलं सर्वेक्षण अयोग्य, खोटी माहिती नोंदवली ! ओबीसी नेते प्रकाश शेंडगेंचा गंभीर आरोप
तसेच “कोणामुळे उपमुख्यमंत्री झाले ? कोणामुळे अर्थमंत्री झाले ? हे सर्वांना माहिती आहे. आमच्याकडून चुका झाल्या तर आम्हाला टोकाची भाषा वापरली जायची. भाषणे करायला अभ्यास लागतो. विरोधी बाकांवर तुम्हाला तुमचा पीए भाषणं लिहून देत होता. सत्ताधाऱ्यांच्या टीपांवरती मांडणी करणारे अजित पवार होते. सत्ताधारी अडचणीत येणार नाहीत, त्यांच्यासाठी हे प्रयत्न करत होते.
