दरवर्षी १५ सप्टेंबर रोजी अभियंता दिन साजरा केला जातो. अशा तऱ्हेने प्रत्येकजण या खास प्रसंगी अभियंत्यांना वेगवेगळ्या शुभेच्छा देत आहे. अक्षय कुमारने ही इंजिनिअर्स डेनिमित्त एक पोस्ट केली आहे.
या पोस्टमध्ये त्याने इंजिनिअर्स डेला शुभेच्छा दिल्या आहेत आणि त्याच्या आगामी ‘मिशन राणीगंज’ चित्रपटातील पात्र जसवंत सिंग गिलबद्दलही पोस्ट केली आहे. अक्षयने इंजिनिअर होण्यासाठी घेतलेल्या मेहनतीबद्दल सांगितले आहे. पाहूयात अभिनेता अक्षय कुमारने काय पोस्ट केली आहे.
https://www.instagram.com/p/CxMve4-LOMw/?utm_source=ig_web_copy_link
अक्षय कुमारने अभियंता दिनानिमित्त पोस्ट
अभिनेता अक्षय कुमारने त्याच्या सोशल मीडिया हँडल इन्स्टाग्रामवर एक पोस्ट केली आहे. या पोस्टमध्ये त्याने जसवंत सिंग गिलचा कॉलेज काळातील एक जुना फोटो शेअर केला आहे. फोटो शेअर करण्यासोबतच अभिनेत्याने पोस्टमध्ये लिहिलं आहे
चाहत्यांनी दिल्या प्रतिक्रिया
आता अक्षयच्या या पोस्टवर त्याचे चाहतेही कमेंट करत आपल्या प्रतिक्रिया देत आहेत. एका युजरने कमेंट केली की, ‘तुम्हाला मोठ्या पडद्यावर आणखी एका रिअल लाईफ हिरोची भूमिका साकारताना पाहण्याची वाट पाहू शकत नाही. तर एकाने लिहिले की, ‘बॉलिवूडचा असाधारण काळ. मिशन राणीगंज सुपरहिट ठरेल’.
जसवंत सिंगची भूमिका साकारणार अक्षय
अक्षय कुमार लवकरच ‘मिशन राणीगंज’ या चित्रपटात झळकणार आहे. या चित्रपटात तो इंजिनिअर जसवंत सिंग गिलच्या भूमिकेत दिसणार आहे. या चित्रपटात त्याच्यासोबत परिणीती चोप्रा मुख्य भूमिकेत झळकणार आहे. येत्या ६ ऑक्टोबरला हा चित्रपट मोठ्या पडद्यावर प्रदर्शित होणार आहे. अक्षयच्या या चित्रपटाचे नावही अनेकदा बदलण्यात आले आहे, ज्याला अखेर ‘मिशन राणीगंज : द ग्रेट इंडिया रेस्क्यू’ असे नाव देण्यात आले.
