तिरुपती येथील वेंकटेश्वर बालाजी मंदिरात प्रसादाचा वाद चांगलाच पेटला आहे. या वादानंतर आता आंध्र प्रदेशचे उपमुख्यमंत्री पवन कल्याण यांनी आता मोठा निर्णय घेतला आहे. पवन कल्याण यांनी देवाची माफी मागणार असल्याचे म्हटले आहे.
तिरुमला तिरुपती येथील मंदिरातील लाडू प्रसादाचा वाद चांगलाच तापला आहे. भाजप नेते सुब्रमण्यम स्वामी यांनी देखील सर्वोच्च न्यायालयात याचिका दाखल केली आहे. त्यातच आता पवन कल्याण यांनी ११ दिवस प्रायश्चित करण्याचा निर्णय घेतला आहे. विजयदुर्गवाडा येथील दुर्गा मल्लेशवर स्वामी मंदिरात स्वच्छता, साफ सफाई करत प्रायश्चित करण्याची सुरुवात त्यांनी केली. १ ऑक्टोबर पर्यंत ते प्रायश्चित घेणार आहेत आणि त्यानंतर तिरुपती येथील बालाजी व्यंकटेश मंदिरात जाऊन देवाची माफी मागणार आहेत.
