पुणे : पुण्यातील Pune Crime वाघोलीमध्ये दाखल झालेल्या गुन्ह्यानंतर प्रचंड खळबळ उडाली आहे. कारण हा गुन्हा दाखल झाला आहे एका जन्मदात्या बापा विरुद्ध ज्याने आपल्या पोटच्या लेकीची अत्यंत निष्ठुरतेने हत्या Murder केली आहे.
मिळालेल्या प्राथमिक माहितीनुसार, मूळचे सोलापूरचे हे दुपारगुडे कुटुंबीय सध्या पुण्याच्या वाघोली परिसरात राहत होते. या घटनेमध्ये पंधरा वर्षीय अक्षदा दुपारगुडे हिची हत्या करण्यात आली आहे. बुधवारी दुपारी राहत्या घरीच अक्षदाचे वडील फकीरा दुपारगुडे यांनी आपल्या मुलीवर कुऱ्हाडीने डोक्यात, हातावर गंभीर वार केले. हा हल्ला एवढा भयानक होता की या मुलीचे उपचारादरम्यान प्राण गेले. या घटनेची माहिती मिळताच पोलिसांनी घटनास्थळी धाव घेतली. मृत मुलीच्या मावशीच्या पतीने ही तक्रार लोणीकंद पोलीस ठाण्यात दाखल केली असून आरोपी करार असल्याचे देखील समजते आहे.
Related posts
या घटनेने पुन्हा एकदा माणुसकीच नाही तर रक्ताच्या नात्यांमधील भावना देखील संपली असल्याचं दिसून येत आहे. पोटच्या लेकीवरच एवढे गंभीरवार करताना बापाचं हृदय कापलं नसावं का ? असाच प्रश्न पडतो. नेमकी आपल्या पोटच्या मुलीची हत्या या आरोपींना का केली असावी हे स्पष्ट झालं नाही, तरीही एवढं टोकाचे पाऊल उचलल जाणं समाजाची एक विकृत बाजू समोर आणते आहे.
