मुंबई : मराठीसह हिंदी चित्रपट सृष्टी आणि नाट्यसृष्टी गाजवलेले दिग्गज अभिनेते अशोक सराफ यांना महाराष्ट्र भूषण पुरस्कार जाहीर झाला आहे. अशोक सराफ यांना कलाक्षेत्रातील आपल्या योगदानासाठी महाराष्ट्र भूषण हा पुरस्कार देऊन सन्मानित करण्यात येणार आहे. या पुरस्काराची घोषणा मुख्यमंत्री एकनाथ शिंदे यांनी केली आहे.
अशोक सराफ म्हणजे मराठी चित्रपट सृष्टीतला एक असा तारक आहे. ज्याने रंगभूमी आणि मराठी चित्रपट सृष्टीच्या माध्यमातून प्रेक्षकांना खळखळून हसवले देखील आहे आणि ढसाढसा रडायला देखील लावले आहे. काही चित्रपटांमध्ये खलनायकी भूमिका देखील त्यांनी उत्तमरीत्या साकारले आहेत.
विशेष म्हणजे हिंदी चित्रपट सृष्टीमध्ये देखील त्यांनी आपलं नाणं खणखणीत वाजवलं आहे. महाराष्ट्राचा सन्मानच एका अर्थी ते आहेत. अशा या कलाकाराच्या उत्तम योगदानाबद्दल त्यांना आता महाराष्ट्र भूषण पुरस्काराने सन्मानित करण्यात येत आहे.
