OpenAI Sam Altman Ousted : चॅटजीपीटीचे (Chat GPT) निर्माते ओपनएआयसंदर्भात (OpenAI) महत्त्वाची बातमी समोर आली. कंपनीने मुख्य कार्यकारी अधिकारी सॅम ऑल्टमन (Sam Altman) यांना पदावरून हटवले. कंपनीच्या या निर्णयाच्या निषेधार्थ ओपनएआयचे अध्यक्ष ग्रेग ब्रॉकमन यांनीही आपल्या पदाचा राजीनामा दिला. ओपनएआयच्या बोर्डाला आता ऑल्टमनवर विश्वास राहिलेला नाही. त्यांच्या नेतृत्व क्षमतेवर बोर्डाला विश्वास नव्हता, असे कंपनीने आपल्या ब्लॉगमध्ये लिहिले. (OpenAI Sam Altman Ousted chatgpt openai ceo sam altman got fired)
ऑल्टमनचे ट्विट
मीडिया रिपोर्ट्सनुसार, कंपनीच्या मुख्य तंत्रज्ञान अधिकारी मीरा मूर्ती आता अंतरिम सीईओ म्हणून कार्यभार स्वीकारतील. सीईओ पदावरुन हटवल्यानंतर ऑल्टमनने एक ट्विट केले. “मी ओपनएआयसोबत घालवलेला वेळ खूप छान होता. कंपनीतील प्रतिभावान लोकांसोबत काम करताना मला सर्वाधिक आनंद झाला. राजीनामा हा परिवर्तनवादी निर्णय होता. पुढे काय करणार आणि काय होईल, हे नंतर सांगेल.”
त्याचवेळी, ब्रॉकमनने अध्यक्षपदाचा राजीनामा दिला. अध्यक्षपदाचा राजीनामा देताना ब्रॉकमनने आपल्या कंपनीच्या सर्व सहकाऱ्यांना एक मेल पाठवला. या मेलमध्ये त्याने म्हटले आहे की, सर्वांना शुभेच्छा! मला एक सुरक्षित कृत्रिम बुद्धिमत्ता बनायचे होते, ज्याचा समाज कल्याणसाठी फायदा होऊ शकतो.
आणखी वाचा – Cyrus Poonawalla : डॉ. सायरस पूनावाला यांना हृदयविकाराचा झटका
मीरा मूर्ती (Meera Murti) कोण आहे?
मीरा मूर्ती मूळची तिचे आई-वडीलदेखील अल्बेनियाचे आहेत. मीराचे शिक्षण कॅनडात झाले असून ती व्यवसायाने मेकॅनिकल इंजिनिअर आहे. डार्टमाउथ कॉलेजमध्ये पदवीच्या शिक्षणादरम्यान मीरा मूर्तीने हायब्रीड रेस कार बनवली. मीरा मुरतीने गोल्डमन सॅकमध्ये इंटर्नशिपही केली आहे. मीराने २०१८ मध्ये ओपनएआयमधून तिच्या करिअरची सुरुवात केली. याआधी मीराने इलेक्ट्रिक वाहन निर्मिती कंपनी टेस्लामध्ये काम केले आणि कंपनीची मॉडेल एक्स कार विकसित करण्यात महत्त्वाची भूमिका बजावली आहे. मीराने टेस्ला येथे वरिष्ठ उत्पादन व्यवस्थापक म्हणून तीन वर्षे काम केले.
