ओबेरॉय समूहाचे मानद अध्यक्ष पृथ्वीराज सिंग ओबेरॉय (पीआरएस ओबेरॉय) यांचं मंगळवारी सकाळी निधन झालं. ते ९४ वर्षांचे होते. पीआरएस ओबेरॉय यांनी भारतातील हॉटेल व्यवसायाला नवी दिशा देण्यात महत्त्वाची भूमिका बजावली. देशात हॉटेल व्यावसायाचा चेहरामोहरा बदलण्याचं श्रेय पीआरएस ओबेरॉय यांना दिलं जातं.
पृथ्वी राज सिंग ओबेरॉय किंवा PRS ओबेरॉय यांचा जन्म 1929 मध्ये नवी दिल्ली येथे झाला. त्यांचे शिक्षण भारतात आणि परदेशात झाले. ते ‘द ओबेरॉय ग्रुपची प्रमुख कंपनी’ EIH लिमिटेडचे कार्यकारी अध्यक्ष होते. देशातील महत्त्वाच्या शहरांमध्ये अनेक लक्झरी हॉटेल्स उघडून आंतरराष्ट्रीय लक्झरी प्रवाशांसाठी अनेक ओबेरॉय हॉटेल्सची उभारणी केली आहे. भारताच्या हॉटेल्स आणि रेसॉर्टस इंजस्ट्रीतील त्यांच्या कार्याबद्द्ल 2008 मध्ये त्यांना पद्मविभूषण पुरस्काराने सन्मानित करण्यात आलं होतं. भारताचा दुसरा सर्वोच्च नागरी सन्मान पुरस्कार त्यांना प्रदान करण्यात आला.
ओबेरॉय यांनी २०२२ मध्ये EIH लिमिटेडचे कार्यकारी अध्यक्ष आणि EIH असोसिएटेड हॉटेल्स लिमिटेडचे अध्यक्षपद सोडले. २००८ मध्ये त्यांना पद्मविभूषण पुरस्कारानेही सन्मानित करण्यात आलं होतं. EIH लिमिटेडचे माजी कार्यकारी अध्यक्ष, ओबेरॉय ग्रुप फ्लॅगशिप, भारतातील हॉटेल व्यवसायाचा चेहरामोहरा बदलणारा माणूस म्हणून पीआरएस ओबेरॉय यांना ओळखलं जातं. “अनेक देशांमधील आलिशाम हॉटेल्सच्या व्यवस्थापनासाठी नेतृत्व पुरवण्याव्यतिरिक्त, पीआरएस ओबेरॉय यांनी ‘ओबेरॉय हॉटेल्स आणि रिसॉर्ट्स’च्या विकासात पुढाकार घेतला.
