पुणे : प्रत्येक शहरात गणपती विसर्जनाची काहीतरी खास ओळख असते. पुण्यामध्ये गणपती विसर्जनाची खास ओळख आहे. ते म्हणजे पाच मानाचे गणपती, श्रीमंत दगडूशेठ हलवाई गणपती, ढोल ताशा पथक आणि परंपरा…. पण यावर्षी या गणेश विसर्जन मिरवणुकीला गालबोट लागले आहे, ते दोन टोक्याच्या तुफान हाणामारीमुळे… !
सविस्तर माहितीनुसार, पुण्यातील सहकारनगर पोलीस स्टेशनच्या हद्दीत तळजाई येथील दोन मंडळांमध्ये तुंबळ हाणामारी झाल्याचा प्रकार समोर आला. हा संपूर्ण प्रकार सहकारनगर पोलीस स्टेशनच्या हद्दीत शिंदे शाळेजवळ दुपारी दोन वाजेच्या सुमारास घडला असल्याचे समजते. या दोन गटाच्या भांडणामुळे महिला आणि लहान मुलं देखील या धुडगुसाच्या कचाट्यात सापडले आहेत.
शेंडी टोळी आणि सूर्या टोळीमध्ये पूर्ववैमानस्यातून हा वाद सुरू झाला. सूर्या गणेश मित्र मंडळ आरती करण्यासाठी शिंदे शाळेच्या विसर्जन हौदाजवळ आले असता कुणीतरी इंद्रधनुष्य मंडळाचे शेंडी टोळीने त्या ठिकाणी येऊन वाद घातला. त्यानंतर या दोन्हीही टोक यामध्ये तुफान हाणामारी सुरू झाली. विशेष म्हणजे या ठिकाणी एकही पोलीस कर्मचारी पोलीस बंदोबस्तामध्ये तैनात करण्यात आला नव्हता.