छत्रपती संभाजीनगर : छत्रपती संभाजीनगर मधून एक मोठी बातमी समोर येते आहे. पुण्याकडून रावेरच्या दिशेने जाणाऱ्या लालपरीला अजिंठा घाटामध्ये मोठा अपघात Accident झाला आहे. सुदैवानं आतापर्यंत या अपघातात जीवित हानी झाल्याची माहिती मिळालेली नाही. परंतु नऊ प्रवासी गंभीर जखमी झाले आहेत.
मिळालेल्या सविस्तर माहितीनुसार, पुणे -रावेर बसचा अजिंठा घाटात अपघात झाला असून यात नऊ प्रवासी गंभीर जखमी झाले आहेत. पुणे येथून रावेर जाणारी एमएच 40 वाय 5197 ही बस अजिंठा घाटात रस्त्याच्या बाजूने पलटी झाली. यात नऊ प्रवाशी गंभीर जखमी झाले घटनेची माहिती फर्दापूर पोलिसांना मिळताच पोलीस सहायक निरिक्षक प्रफुल साबळे यांनी आपल्या सहकार्यासह घटनास्थळी धाव घेऊन बचाव कार्य करत नऊ जखमीना अजिंठा ग्रामीण रुग्णालयात रुग्णवाहिकेद्वारे उपचारासाठी दाखल केले आहे. इतर प्रवासी सुखरूप आहेत त्यांना दुसऱ्या बस मध्ये बसवून देण्यात आले. ही घटना अजिंठा पोलीस हद्दीत मध्ये येत असल्याने प्रफुल साबळे यांनी घटनेची माहिती अजिंठा पोलिसांना दिली.
अपघातात जखमी झालेल्या प्रवाशांची नावे खालील प्रमाणे आहेत
1)सुशिलाबाई दिनकर निर्खे वय 70 राहणार जामनेर जि जळगाव
2)सरुबाई शामराव पाटील वय 65 राहणार श्रीरामपूर
3)वसंत विठ्ठल पठारे वय 65 वर्षे राहणार सोयगाव
4)निखिल किरण पाटील वय 13 वर्षे श्रीरामपूर
5)सुमित्रा दिनकर निर्खे वय 48 वर्ष राहणार जामनेर (रेफर)
6)विजय हरी सूर्यवंशी वय 72 वर्ष राहणार जामनेर (रेफर)
7)संध्या वसंतराव पठारे वय 63 वर्ष राहणार सोयगाव
8)जय मला विजय सूर्यवंशी वय 60 वर्ष राहणार जामनेर
9)ज्योती साई चंद्र बासनेवल वर्ष 40 राहणार संभाजीनगर
