मुंबई : लोकसभा निवडणुकीच्या पार्श्वभूमीवर सभा, रॅली अशा पद्धतीने उमेदवार आपला प्रचार करत आहेत. त्याचबरोबर पक्षांनी जाहिरातींच्या माध्यमातून देखील आपला प्रचार केला आहे. यामध्ये अनेक अभिनेत्यांनी काम केले आहे. अशीच एक जाहिरात जी शिवसेना उद्धव बाळासाहेब ठाकरे पक्षाने तयार केली आहे. यामध्ये राजा नयनी Actor Raja Nayani यांनी भूमिका केली आहे. परंतु भाजप नेत्या चित्रा वाघ Chitra Wagh यांनी थेट त्यांना पॉर्नस्टार म्हणून हिणवले आहे.
राजकारण एका बाजूला पण अभिनेता राजा नयनी यांना आपला अपमान जिव्हारी लागला आहे. राजा नयनीने यांनी अनेक मालिकांमधून काम केले आहे. दरम्यान एका वेब सिरीजमध्ये काम करताना त्यांनी दिलेल्या अडल्ट सीन वरून त्यांच्यावर थेट पॉर्नस्टार असल्याची टीका चित्रा वाघ यांनी केली. त्यानंतर त्यांनी शिवसेना उद्धव बाळासाहेब ठाकरे यांच्या पक्षाच्या एका जाहिरातीमध्ये काम केले. यावरून थेट त्यांच्यावर निशाणा साधण्यात आला. खरं तर उद्धव ठाकरेंवर हा निशाणा साधण्यात आला होता. पण आता ही खेळी चित्रा वाघ यांना महागात पडणार असंच चित्र आहे.
दरम्यान अभितेता राजा नयांनी यांनी चित्रा वाघ यांना थेट इशारा दिला आहे. ते म्हणाले की, ” शिवसेना उद्धव बाळासाहेब ठाकरे पक्षाच्या जाहिरातीत मी काम केले आहे. त्यामुळे त्या जाहिराती करणारा कलावंत पॉर्न स्टार असल्याचा शोध त्यांनी लावला. जे फोटो त्यांनी पत्रकार परिषदेमध्ये दाखवले ते माझ्या एका वेब सीरिज मधले आहेत आणि ते त्या भूमिकेचा एक भाग होते असेही त्यांनी स्पष्ट केले. चित्रा वाघ यांनी विनाकारण माझ्या प्रतिमेला मलीन करण्याचा प्रयत्न केला. त्यामुळे मला मनस्ताप सहन करावा लागला आहे. केवळ आपल्या राजकीय स्वार्थासाठी त्यांनी माझी प्रतिमा मलीन केली. चित्रा वाघ यांनी माझ्या एका वेब सीरीजमधील भूमिकेतील फोटो दाखवून मी पॉर्न स्टार असल्याचा दावा केला. माझ्या अभिनयाला पॉर्न स्टारची उपमा देऊन माझी बदनामी केली असल्याचा आक्षेप घेत असून त्यांनी दोन दिवसात माझी जाहीर माफी मागावी अन्यथा त्यांच्यावर मी अब्रूनुकसान केल्याचा दावा कोर्टात दाखल करणार असल्याचेही अभिनेते राज नयानी यांनी म्हटले आहे. “
