मावळ : आमदार रोहित पवार यांनी काका अजित पवार यांच्यावर टीका करण्याची एकही संधी या निवडणुकीमध्ये सोडली नाही. स्वतःच्या स्वार्थासाठी वडिलांसारख्या शरद पवारांना सोडणारे अजित पवार आता स्वतःच्या लेखाचा पराभव करणाऱ्या बारणेंचा प्रचार करत आहेत. यावरूनच रोहित पवारांनी पार्थ पवार यांच्या खांद्यावर बंदूक ठेवून अजित पवारांवर निशाणा साधला आहे.
पुणे विद्यापीठात गोंधळ : कधी अळई, तर आता खराब झालेले आंबट अन्न ! नेमकं सुरू तरी काय
काय म्हणाले आमदार रोहित पवार
मावळमध्ये प्रचारासाठी आलेले आमदार रोहित पवार यांनी एकेकाळी आपला भाऊ पार्थ पवार यांच्या निवडणुकीत झालेल्या अपयशाबाबत वक्तव्य करताना म्हटले आहे की, ” आम्ही विचार सोडलेले नाहीत. त्यामुळे आम्ही कालही बारणे विरोधात लढलो आणि आजही लढतोय. मागील निवडणुकीत मावळमध्ये मी पार्थसाठी प्रचार केला. पण दुर्दैवानं त्याचा मोठा पराभव झाला. श्रीरंग बारणे विजयी झाले. लेकाचा पराभव करणाऱ्या बारणेंसाठी आता अजित पवार प्रचार करत आहेत. पण मी भाऊ म्हणून पार्थ यांच्या पराभवाचा बदला घेईल. स्वतःच्या स्वार्थासाठी वडिलांसारख्या शरद पवारांना सोडणारे अजित पवार आता स्वतःच्या लेकाचा पराभव करणाऱ्या बारण्यांचा उमेदवारी अर्ज भरण्यास उपस्थित होते. लेकाचा पराभव त्यांनी पचवला का ? ते माहीत नाही. पण अजून त्यांना बरंच काही पचवायचंय. त्यामुळे ते बारणेंसाठी प्रचार करत आहेत. बारणेंनी पार्थचा केलेला पराभव मी अद्याप विसरलेलो नाही. पार्थन चिंता करू नये. त्याच्या पराभवाचा बदला आम्ही घेऊ. त्याचा भाऊ इथे लढतोय. राष्ट्रवादी काँग्रेसचे कार्यकर्ते खंबीरपणे काम करत आहेत. ” असं यावेळी रोहित पवार म्हणाले आहेत.
