घाटकोपर : घाटकोपरमध्ये एका सोळा वर्षीय मुलाची हत्या झाल्याची घटना उघडकीस आली आहे. 21 एप्रिल रोजी रात्री या अल्पवयीन मुलाचा मृतदेह आढळून आला होता. पोलिसांनी या प्रकरणातील आरोपीच्या अवघ्या बारा तासात मुसक्या आवळल्या आहेत.
21 एप्रिल रोजी घाटकोपर पश्चिम येथील गोळीबार रोड लगतच्या सूर्यमुखी साई बाबा मंदिर डीजी क्यू कॉम्प्लेक्स या ठिकाणी या मुलाचा मृतदेह आढळून आला होता. पोलिसांनी मृत मुलाच्या कुटुंबीयांची कसून चौकशी केली. तसेच ज्या ठिकाणी मृतदेह आढळून आला त्या ठिकाणचा परिसर बारकाईने तपासला, तांत्रिक तपास आणि गुप्त बातमीदारांच्या मदतीने अवघ्या बारा तासात या गुन्ह्यातील आरोपीच्या मुस्क्या पोलिसांनी आवळल्या आहेत.
पाणी जपून वापरा ! महाराष्ट्रातील सावरखेडा गावात हंडाभर पाण्यासाठी महिलांची वणवण, 200 फुट दरीमध्ये उतरून हंडाभर पाण्यासाठी जीवघेणी कसरत
याप्रकरणी 19 वर्षीय आरोपीला मुंब्रा दिवा भागातील दाटीवाली येथून ताब्यात घेण्यात आला आहे. हत्या नेमकी कोणत्या कारणाने करण्यात आली याप्रकरणी पोलीस अधिक तपास करत आहेत.
