छत्रपती संभाजीनगर : छत्रपती संभाजीनगरमधून एक हृदय पिळवटून टाकणारे घटना समोर आली आहे. काल मंगळवारी मध्यरात्री तीनच्या सुमारास एका कपड्याच्या दुकानाला भीषण आग लागली. हे कपड्याचे दुकान तीन मजले होते. वरच्या दोन मजल्यावर दोन कुटुंब राहत होते. या कुटुंबातील सात जणांचा या आगीच्या तांडवामध्ये होरपळून मृत्यू झाला आहे.
बुधवारी पहाटेच्या सुमारास या दुकानासमोर लावलेल्या इलेक्ट्रिक वाहनानं पेट घेतला. त्यानंतर कपड्याच्या दुकानाला आग लागली. मध्यरात्री तीनच्या सुमारास ही आग लागली होती. चार वाजेपर्यंत या आगीन तीन मजली दुकानासह आणि दोन कुटुंबांचे संपूर्ण आयुष्य जाळून खाक केले आहे. या घटनेमध्ये एकाच कुटुंबातील सात जणांचा होरपळून मृत्यू झाला. या तीन मजली इमारतीच्या दुसऱ्या आणि तिसऱ्या मजल्यावर ही दोन कुटुंब वास्तव्यास होती. एकूण 16 जण या इमारतीमध्ये राहत होते अशी माहिती मिळते आहे.
Related posts
चार वाजण्याच्या सुमारास अग्निशमन दल घटनास्थळी दाखल झाले. अग्निशमन दलाच्या जवानांनी तातडीने ही आग आटोक्यात आणली. परंतु तोपर्यंत या सात जणांचा होरपळून मृत्यू झाला होता. इलेक्ट्रिक वाहनाच्या शॉर्टसर्किटमुळे ही आग लागल्याचं अग्निशमन दलाच्या जवानांनी सांगितलं आहे. या घटनेने छत्रपती संभाजी नगर मधून हळहळ व्यक्त केली जाते आहे.
