सातारा : लोकसभा निवडणुकीच्या Lok Sabha Elections 2024 पार्श्वभूमीवर महाराष्ट्रातील काही लोकसभा मतदारसंघ हे प्रतिष्ठित मानले जातात. यातील एक मतदार संघ आहे तो म्हणजे सातारा… , साताऱ्याचा लोकसभा मतदारसंघ उदयनराजे भोसले Udayanraje Bhosale यांचा बालेकिल्ला मानला जातो. परंतु भाजपने दोन याद्या जाहीर करून देखील उदयनराजे भोसले यांच्या नावाची अधिकृत घोषणा केली नाही. त्यामुळे कार्यकर्ते आणि समर्थकांमध्ये नाराजीचा सूर होता.
दरम्यान, आज मनधरणी करण्यासाठी विश्वासाचे नेते गिरीश महाजन हे साताऱ्यामध्ये पोहोचले आणि चर्चेला उधाण आले आहे. आज साताऱ्यामध्ये मंत्री गिरीश महाजन यांनी खासदार उदयनराजे आणि आमदार शिवेंद्रराजे यांच्या निवासस्थानी भेटी दिल्या. यानंतर माध्यमांशी बोलताना गिरीश महाजन म्हणाले की, ” तीन पक्षाच सरकार असल्यामुळे थोड्या वाटाघाटी चाललेल्या आहेत. उदयनराजेना तर तिकीट मागण्याची गरजच नाही. त्यांचं तिकीट निश्चित आहे. आणि त्यांचं तिकीट नाकारण्याचा विषयच येत नाही. त्याबाबत काही कोणाला सांगायची गरज नाही. त्यामुळे उदयनराजेंचे तिकीट निश्चित आहे. ” असं महाजन यांनी स्पष्ट म्हटलं.
उदयनराजे यांनी पुन्हा एकदा लोकसभा निवडणूक लढवण्याची इच्छा व्यक्त केली होती. त्यानंतर तिकीट जाहीर न झाल्याने समर्थकांमध्ये साताऱ्यात चलबीचल सुरू झाली होती. आज गिरीश महाजन यांनी साताऱ्यात जाऊन राजेंच्या उमेदवारीबाबत दिलेल्या माहितीनंतर काहीसं वातावरण थंडावल आहे.
