जालना : सध्या मराठा समाजाला ओबीसी मधून सगे सोयऱ्यांच आरक्षण दिलं जावं या मागणीसाठी जरांगे पाटील अद्यापदेखील उपोषण करत आहेत. यावर काँग्रेस नेते विजय वडेट्टीवार यांनी जरांगे यांच्यावर बोचरी टीका केली होती.
विजय वडेट्टीवार म्हणाले की, ” मनोज जरांगे पाटील यांच्या शब्दात आता दम राहिलेला नाही. जे मिळाले त्यामध्ये त्यांनी समाधानी राहायला हवं. जरांगे पाटील यांच्या बोलण्यात आता गर्व आणि गुर्मी जाणवते. अशाने जरांगे पाटील यांचा हार्दिक पटेल होईल अशी बोचरी टीका विजयवाडा यांनी केली होती.
https://www.facebook.com/emahatalks/videos/859187842888651/
वडेट्टीवारांच्या या वक्तव्यावर जरांगे पाटील यांनी संतप्त प्रतिक्रिया दिली आहे. यावेळी जरांगे पाटील यांनी थेट एकेरी शब्दात विजय वडेट्टीवार यांचा उल्लेख केला.
काय म्हणाले जरांगे पाटील
जरांगे पाटील म्हणाले कि, ” वडेट्टीवारांनी आम्हाला दम वगैरे शिकवू नये. राहुल गांधींनी तुम्हाला मराठ्यांच्या नादाला लागायला, टीका करायला सांगितले आहे का? हा विरोधी पक्षनेता आहे की कोण आहे? विरोधी पक्षनेता तुझ्या घरातलं पद नाही, ते जनतेचं पद आहे. विरोधी पक्षनेता कोणत्याही एका जातीचा नसतो. आमचा दम कशाला काढता, आमचा दम तुम्ही मुंबईत बघितला नाही का? राहुल गांधी साहेब असले नेते कशाला निवडतात काय माहिती. तू तुझ्या पक्षाचं बघ ना. नाहीतर सगळा सुपडा साफ होईल. तुमचं राजकीय करिअर बरबाद होईल. त्यामुळे राहुल गांधी यांनी वडेट्टीवारांना नीट बोलायला सांगावे ” अशी प्रतिक्रिया जरांगे पाटील यांनी माध्यमांशी बोलताना दिली आहे.
