पुणे : पुण्यातील उंड्री येथील मोहम्मदवाडी मधील मॅजेस्टिक युरिस्का या अकरा मजली इमारतीच्या अकराव्या मजल्यावर असलेल्या एका फ्लॅटमध्ये आज भीषण आगीची घटना घडली आहे. या घटनेमध्ये अग्निशमन दलाने शर्तीचे प्रयत्न करून सहा रहिवाशांचे प्राण वाचवले आहेत.
मिळालेल्या सविस्तर माहितीनुसार, आज पुण्याच्या उंड्री मधील मोहम्मद वाडीतील मॅजेस्टिक युरिस्का या अकरा माजली इमारतीतील अकराव्या मजल्यावर दुपारी दीडच्या सुमारास अज्ञात कारणाने आगीने अचानक रौद्ररूप धारण केले होते. यामध्ये प्रचंड धूर देखील झाल्याने नागरिकांनी गच्चीच्या दिशेने पळ काढला होता. फायर ब्रिगेडला वर्दी दिल्यानंतर तातडीने फायरब्रिगेडचे जवान घटनास्थळ दाखल झाले.
Related posts
Doctors strike : महत्वाची बातमी ! 7 फेब्रुवारी पासून राज्यातील निवासी डॉक्टरांची संपाची हाक; आरोग्य सेवा कोलमडणार ?
यावेळी सर्वप्रथम अग्निशमन दलाने या सहा रहिवाशांची सुखरूप सुटका केली आणि त्यानंतर या फ्लॅटमध्ये पाण्याचा मारा करून आग नियंत्रणात आणली आहे. घटनास्थळी आठ अग्निशमन वाहनांसोबतच उंच शिडीचे वाहन यांच्या सहाय्याने ३० जवानांनी वीस मिनिटात ही आग नियंत्रणात आणली आहे. या घटनेमध्ये फ्लॅट मधील सर्व साहित्य जळून खाक झाले आहे.
